தமிழ்நாட்டில் உள்ள ஏழை, எளிய மக்களுக்கு அரசு சிமெண்ட் கழகம் சார்பில் குறைந்த விலையில் சிமெண்ட் விற்கப்பட்டு வருகிறது. குறைந்தபட்சம் 100 சதுர அடியும், அதிகபட்சமாக 1500 சதுர அடி வரையும் வீடு கட்ட அங்கீகரிக்கப்பட்ட கட்டிட திட்ட வரைபடம் அல்லது கிராம நிர்வாக அலுவலர் உள்ளிட்ட வருவாய்த் துறை அதிகாரிகளின் ஒப்புதல் கடிதத்துடன் விண்ணப்பிப்பவர்களுக்கு குறைந்த விலை அம்மா சிமெண்ட் வழங்கப்படுகிறது.
மாநிலம் முழுவதும் உள்ள மாநகராட்சி , நகராட்சி, பேரூராட்சி மற்றும் ஊராட்சி ஒன்றியங்களில் சுமார் 500 கிடங்குகள் மூலம் அம்மா சிமெண்ட் விற்பனை செய்யப்படுகிறது. 2014ஆம் ஆண்டு அப்போதைய முதல்வர் ஜெயலலிதாவால் இத்திட்டம் தொடங்கப்பட்டது.
இந்தத் திட்டம் தொடங்கப்பட்டு ஐந்து ஆண்டு காலமாக சிமெண்ட் விலை உயர்த்தப்படவில்லை. ஆனால் தற்போது ரூ.190 லிருந்து ரூ.216 ஆக உயர்த்தி தமிழக அரசு அறிவிப்பு வெளியிட்டுள்ளது.
மூலப் பொருள்களின் விலையேற்றம், டீசல் விலை உயர்வு, ஊழியர்களின் ஊதியம் ஆகியவற்றை கருத்தில் கொண்டு விலை உயர்வு செய்யப்பட்டுள்ளதாக தெரிவிக்கப்பட்டுள்ளது. அதே சமயம் ஏற்கெனவே முன்பதிவு செய்தவர்களுக்கு பழைய விலையிலேயே சிமெண்ட் விநியோகிக்கப்படும் என தெரிவிக்கப்பட்டுள்ளது.
Post a Comment